Bu gün AFFA-nın İntizam Komitəsinin iclası keçirilib. Yığıncaqda Topaz Premyer Liqasının II turunun oyunlarında baş verənlərlə bağlı qərarlar verilib. Komitə 3 futbolçunu cəzalandırıb və 4 kluba cərimə kəsib.

“Neftçi” ilə matçın 78-ci dəqiqəsində ikinci sarı vərəqə alaraq meydandan qovulan “Rəvan”ın futbolçusu Miloş Adamoviç 1 oyunluq cəzalanıb, klubu 200 manat cərimə olunub. AZAL-la qarşılaşmanın 45+1-ci dəqiqəsində qırmızı vərəqə alan “Bakı”nın futbolçusu Devidas Çesnauskisin də cəzası eyni olub.

“Qarabağ”la matçda ikinci sarı vərəqəyə görə 82-ci dəqiqədə meydandan kənarlaşdırılan “Sumqayıt”ın üzvü Vurğun Hüseynovla bağlı da eyni qərar verilib. Turun ən ağır cəzası isə Ağdam təmsilçisinə tətbiq olunub. Azarkeşləri tərəfindən pirotexniki vasitə yandırıldığı üçün klub 1000 manat cərimə olunub.

" style="font-family:arial,helvetica,sans-serif;font-size:small">“Qalatasaray”ın müdafiəçisi Tomas Uyfaluşi vətəninə qayıdıb. Avropada keçirdiyi 13 illik karyerasından sonra 35 yaşlı futbolçu “Sparta” transfer olunub. O, Praqa klubuyla 1 illik müqavilə imzalayıb. 2000-ci ildə “Siqma”dan “Hamburq”a keçən Uyfaluşi daha sonra “Fiorentina” və “Atletiko” kimi klubların da şərəfini qoruyub.